【親子好去處】水晶巴士 Crystal Bus

呀劍

呀劍常聽說朋友跟子女在假期出國旅遊而不留港,其實香港都有許多適合一家大細遊玩的地方, 不如參考《呀劍萬帥• 親子旅遊• 攝影扎記》打造你跟小朋友的一個親子旅程! 我不是甚麼旅遊達人,寫的也不夠全面,只希望跟大家分享一點點心得!

Facebook專頁:https://www.facebook.com/kimfamilytravel/
Blogger網誌:http://kimfamilytravel.blogspot.hk/

大巴整多兩籠,大巴整多兩籠…大家冇聽錯,真係喺巴士上面食一盅兩件+遊車河! 今日帶住呀劍家上去搭水晶巴士,可以坐住遊覽九龍新界,真係一個超讚的體驗!

 水晶巴士提供下午兩團及晚上團,走的路線及提供的食物都有唔同,我哋今次去體驗下午B團,路線由九龍尖東出發至青馬大橋及機場維修區再經昂船洲大橋及高鐵總站返回尖東

真係未出發先興奮,因為家裡冇巴士玩具,所以朝早起身我用紙摺咗兩架巴士俾佢哋,佢哋好開心話要帶埋出去坐水晶巴士同佢一齊影相

我哋等咗幾分鐘,就見到下午A團好準時回程番到嚟啦! 當然要先同佢影番幾張大特寫先啦,巴車車身都係閃"令令"(睇Video會清楚D) ,超豪華的感覺!


佢個口號Slogan係「讓你驚嘆的美景‧美食團」好期待邊食邊望住青馬大橋欣賞日落的感覺


上落車都用中間的門


上車前梗係要登記先啦!


同水晶巴士打卡是常識吧

 

上到車先參觀下層,下層主要係供晚上團包車,有得打機Board Game開Party

  


車內有免費Wifi提供同USB俾你叉電

行樓梯上去上層望一望先

上層車頭有個雙人卡位同埋有些餐具

同茶記一樣有四人及雙人卡位


準備要開車啦, 影吓相放閃先


上車後可以在下層先拎飲品,有水、橙汁、烏龍茶同雀檸揀


望一望個地下,原來都係閃"令令"架!


芊芊好期待快D開車


終於開車啦,一出到梳士巴利道呀芊已經發現咗樣嘢!


原來只係太空館,但係對於小朋友嚟講,佢哋最近喺課本學到的,當見到實物之後自然會咁興奮!


巴士途中會有廣播介紹每一個景點的特色。巴士去到太子附近就會停下來,食物經由接駁車運送到巴士上,所有點心由榮獲2013米之蓮指南推介的「一點心」提供


點心拼盤有蝦餃燒賣、叉燒腸粉、春卷、珍珠雞及叉燒餐包


真係食得幾飽! 車上仲有職員會上嚟幫大家影相


巴士再一次起動,我哋邊睇風景邊食嘢! 我哋跟住去到奧運經過葵涌貨櫃碼頭,最後去到青馬大橋。原來望住風景食住蝦餃都真係幾嘆


差唔多1個鐘去到青嶼幹線觀景台,大家可以落車鬆一鬆去下洗手間! 今日天氣極好,影相真係超美

如果口痕大家都可以喺度再加馬買D嘢食,對外國遊客嚟講一定係Shopping買紀念品啦


大家只有15分鐘活動,所以都急急腳衝上去觀景台打卡


職員態度超熱情,唔駛你叫都自己爭住走埋嚟同每一位影相(不過有陣時可能俾其他唔係水晶巴士既遊客誤會,要佢幫埋手影相! 哈哈~)


其實如果唔係搭水晶巴士真係平時冇咩機會專程嚟呢個觀景台


今日影咗好多張合家照! 好開心呀

去埋個洗手間我哋準備上車回程啦

番到去巴士見到咁靚既天色,忍唔住又要不停咁影靚相


在太陽底下巴士車身更有閃"令令"效果

番到上車! 居然遇著呀劍粉絲喎,估唔到仲係一個男粉絲,佢認得我仲同我及小朋友一齊影相,多謝你的支持呀!

上車之後發現甜品已上,係芒果糯米糍呀,仲要係哥哥最鍾意食,YummyYummy!


巴士沿住青馬大橋直駛入去機場維修區

入到機場維修區好近距離見到好多架唔同型號既飛機,仲有特區專用既飛機(成架戰鬥機咁),小朋友都彈起身去睇


離開赤鱲角回程又撞啱見到日落,覺得今日真係天公造美,為成個旅程錦上添花,真係好靚


呢條就係港珠澳大橋,其實這項工程真的很利害


話咁快就去去昂船洲大橋附近lu….妹妹都太舒服瞓着咗lu


最後仲有D Snack送俾乘客食!


我第一次行在昂船洲大橋上,呢個貨櫃景真係無敵靚呀! 雖然我呢篇文都講咗好多次「靚」,但係真心要講多幾次….「靚靚靚靚靚靚….」


落車大約5:45,全程2.5小時。

Photo by CANON 5D Mark IV, Len | EF 16-35mm f/2.8L III USM

想跟我去體驗其他活動,快D報名親子團,同埋留意專頁公佈詳情啦!

呀劍評分: 10分

呀劍評語: 今次整個旅程都好開心,一次過見到好多不同景點,部份景點真可能未必有機會可以睇到! 小朋友亦都睇得好開心,食物又好味道。雖然我估水晶巴士主要對象都係旅客,但係我覺得就算香港人都可以嚟體驗一下。

水晶巴士觀光遊 簡介

水晶巴士是用創新的方法、舒適的空間和香港特色美食,讓客人能充分享受香港特色美食的同時,環游香港不同美景。參與我們為閣下量身定做的觀光團後,你會更深入了解香港的文化、美食和景點,讓你愛上這個東方之珠。


水晶巴士特色

水晶巴士途徑21個香港必去的景點車上備有5種沿途導賞音頻系統(廣東話、英語、普通話、韓語、日語)觀光的同時享用香港地道中式美點全香港唯一讓你感受車上餐廳的新體驗


下午A團

時間: 12:15pm – 2:45pm(2-2.5小時,視乎交通情況) 

行程: 由九龍區至港島區。 

出發及回程地點:九龍漢口道(近香港半島酒店辦公室)


下午A團景點及行程

(1) 半島酒店

(2) 清真寺

(3) 彌敦道

(4) 廟街

(5) 砵蘭街

(6) 朗豪坊

(7) 太子

(8) 中山紀念公園

(9) 中環天星碼頭(下車觀光點)

(10) 皇后像廣場

(11) 會議展覽中心

(12) 金紫荊廣場

(13) 政府總部

(14) IFC

(15) 信德中心

(16) 西區海底隧道

(17) 環球貿易廣場

(18) 香港高鐵總站

(19) 廣東道

(20) 1881

(21) 尖沙咀鐘樓


░░░░░░░░░░░░░░░░░░░░░░░░░░░░░░░░░░░░░░░░░░░░░░░


下午B團

時間: 3:15pm – 5:45pm(2-2.5小時,視乎交通情況) 

行程: 由九龍區至新界區。

 出發及回程地點:九龍漢口道(近香港半島酒店辦公室)


下午B團景點及行程

(1) 半島酒店

(2) 清真寺

(3) 彌敦道

(4) 廟街

(5) 砵蘭街

(6) 朗豪坊

(7) 太子

(8) 奧海城

(9) 葵青貨櫃碼頭

(10) 青馬大橋

(11) 青嶼幹線觀景台(下車觀光點)

(12) 南環路機場跑道

(13) 香港國際機場

(14) 昂坪纜車

(15) 東薈城

(16) 北大嶼山公路

(17) 珀麗灣

(18) 藍巴勒海峽

(19) 昂船洲大橋

(20) 香港高鐵總站

(21) 廣東道

(22) 1881

(23) 尖沙咀鐘樓


費用

港幣380元(大小同價)

░░░░░░░░░░░░░░░░░░░░░░░░░░░░░░░░░░░░░░░░░░░░░░░

晚上團介紹

晚上觀光團-於晚上6:30pm開始,沒有固定行走路線,本公司會提供一些香港著名的觀光景點供客人自行決定。而客人可選擇由本公司指定的餐飲合作伙伴作晚餐,本公司會有兩名服務員作旅遊和餐飲協助。車上設有高級音響設備和自選的燈光效果,更有不同種類的電子遊戲機和多人玩樂的紙牌遊戲,讓客人能在舒適、享受和愉快的心情遊覽香港不同景點。


(1) 尖東海旁

(2) 青衣海濱公園

(3) 青衣南灣角

(4) 白石角海濱長廊

(5) 中環摩天輪

(6) 青馬大橋-珀麗灣

(7) 鯉景灣

(8) 金紫荊廣場

(9) 鰂魚涌海濱花園


費用

星期一至星期四 : 港幣8,800 (只接受包團) 

星期五至星期日和公眾假期及前夕: 港幣12,800 (只接受包團) 

時間:6:30pm – 11:30pm ,加時: 每小時$2,000


░░░░░░░░░░░░░░░░░░░░░░░░░░░░░░░░░░░░░░░░░░░░░░░


早餐

包團,只限星期一至五,可自由選擇路線及車上音響可供使用。

辦公室地址

香港九龍旺角亞皆老街8號朗豪坊22樓2215室


Whatsapp

6966 6348


電話

2988 8202


電郵

info@crystalbus.com.hk


(以上資料更新至文章當日)

Facebook專頁: 呀劍萬帥 kimfamilytravel

Blog網誌 : kimfamilytravel.blogspot.hk